注目新施設．代々木VILLAGE－DEKO BOKO徐遊日誌

代代木呢個地方，搭山手線經過既次數就多不勝數，但真正到代代木閒逛既次數就近乎零～
不過自從新施設『代々木VILLAGE』於昨年11月開幕後，

相信代代木呢個地方好快會備受注目，成為新既人氣熱點！！

整個企劃概念由著名音樂人，負責Mr. Children、レミオロメン (日劇一公升眼淚片尾曲主唱樂隊）等音樂製作既小林武史先生負責，
再加上世界知名既室內設計師片山正通先生，打造出1個悠閒舒適、綠意盎然，佇立於都市裡既新空間。

『代々木VILLAGE』內有各種各樣既店鋪，
包括人氣意大利餐廳code kurkku、石窯麵包店pour-kur、咖啡店roots & beat coffee、
專售外國書籍既POST書店、主打悠閒服既one mile wear by URBAN RESEARCH、
就連gallery、travel agency等等都一應俱備，
令人真的有如處身於小村莊的感覺。

最喜歡既係內裡設有1個頗大既庭院，種滿各式各樣既稀有品種植物，
假若於意大利餐廳code kurkku內享用午餐，就可一邊享用由人氣料理達人笹島保弘先生烹調的美食，

又可一邊欣賞庭院美景，難怪訂座預約長期爆滿。

除了到code kurkku用餐外，我更推崇到pour-kur麵包店買1個新鮮出爐的麵包，
再到Roots & Beat coffee享用1杯由咖啡師用心沖調出來的cafe latte，a
然後隨意坐在open area的座位上邊享用食物，邊享受著和熙的陽光。

原來，
1個充滿嚼感的新鮮麵包，1杯用心沖調的香濃咖啡，十數分鐘的休憩，
就是對自己最好的充電方式。

即使在租金如斯昂貴的東京都心，仍有人如此用心的打造一個空間予人休憩、緩衝，

在這方面，日本人真的很幸福呢。