第1站我地先去DEKO大人最想去既地方－羅浮宮！！
根據達人朋友俾我地既貼士，最好係早上9點鐘開館前到達，
可以縮短排隊等候既時間～
由於羅浮宮係DEKO大人最想去既地方，所以我地都唔敢怠慢，
開館前15分鐘我地就到達啦～～～
嘩。。。真係唔講得笑，當日係平日，但都已經排左長長既人龍啦。。。
不過好彩我地手持MUSEUM PASS，唔駛買飛，可以排另外1條較少人既隊咋～
排左1陣，我地就已經可以入去啦～
真係無諗過，博物館可以大成敢
，
唔怪得聽人講，如果你要仔細行晒既話1日係絕對唔夠啦～
相當大家對羅浮宮內最印象深刻既作品1定係達文西既『蒙娜麗莎』，
所以入到去就已經見到四處都有清晰既指示說明佢既位置～
以前讀美術史，書本上出現既一幅幅驚世作品，真實呈現自己眼前，真係好感動哦～
如果時間許可，真係好想逗留一整天，慢慢欣賞每一幅作品呢～
BOKO，前面發生咩事呀。。。有敢多人圍住影相既。。。
哦。。。原來係『蒙娜麗莎』～ 唔知仲以為係一班記者等緊大明星出場呢。。。
如果唔係時間尚早，我諗我都幾難逼到入去近距離欣賞到～
離開擠擁既人群後，我地繼續於德農館前行。。。
見到有唔少畫家帶備畫具於作品前臨摹練習，可以係羅浮宮練習畫畫，真係好羨慕哦～
當中我對『約瑟芬的加冕』特別深刻～
呢幅作品係法國新古典主義代表畫家Jacques-Louis David既名作，
描繪1804年拿破崙如皇帝般替約瑟芬戴上皇冠既情景，畫中各人表情豐富不一，描繪細膩，
而整幅畫作足足佔據一整幅牆壁，氣勢磅礡，站在跟前有如置身於當中，
是一幅容易令人留下深刻印象既作品～
另外一幅位於黎塞留館3樓既作品『卡布麗爾和她的姐妹』亦都令人一看難忘～
描繪法王亨利四世情婦卡布麗爾同佢妹妹洗澡既情景，以當時來說屬相當大膽又色情既畫作～
除左欣賞著名畫作外，位於黎塞留館地下1樓既馬利中庭及皮傑中庭亦都唔可以錯過～
除欣賞路易14至15時期栩栩如生既大理石雕像外，當自然光從透明金字塔頂滲入時，
大理石雕像顯得格外閃耀潔白，令人有種錯覺，有如置身天庭呢。。。嘻嘻～
我地去左位於羅浮宮內既餐廳，見到d食物排得好靚賣相好吸引哦。。。
我地每人叫左1個set，可選擇沙律＋pizza/tart ＋飲品，醒惠10 euro，
係極度肚餓時都唔諗敢多了。。。味道都算唔錯〜〜
食飽飽後，我地又要起行，向住下1個目的地進發。。。
留言列表
DEKO BOKO (6)