DEKO BOKO徐遊日誌

 

今次又有美食為大家介紹~~

不過今次有少少特別... 唔係介紹日本料理... 而係地道既韓國料理~~

可能大家會好奇怪... 點解係日本會食到地道既韓國料理呢??

其實係因為有好多韓國人黎到日本留學同工作，

好似我地就讀既日語學校就有1半以上係韓國人... 而佢地既其中1個聚居既地方 - 新大久保，

就係山手線新宿站前1個站，有機會不妨去行下，你會覺得好似置身係韓國敢...

街既兩旁都係地道韓國餐廳又或者係賣韓國偶像產品，又會聽到好多人講韓文...

感覺相當有趣~~~

不過如果唔想特登去新大久保但又想品嚐韓國料理，強烈推介呢間位於池袋sunshine city既韓豚屋~

餐廳仿南大門街頭既casual style而設計，令人有置身韓國街頭既感覺~~

 

我地叫到成枱食物，有燒豬腩肉、辣豆腐海鮮鍋、石頭鍋飯，睇見都流晒口水...

我地唔客氣啦...

 

當中1定要為大家介紹一下『サムギョプサル』燒豬腩肉，

係韓國既地道美食，係香港比較少地方食到架~

食法係將豬腩肉放係微斜既鐵板，連同洋蔥、泡菜1齊燒，

豬腩肉既油會係燒既過程流出，由於鐵板係斜既，所以油就可以沿住鐵板流到旁邊既小碗...

差唔多燒好既時候店員就會剪成1小塊1小塊，再以生菜包住，

按自己既口味加埋洋蔥、泡菜同埋調味料，好好味呀~~~  

 

 

而且價錢唔貴，大約每人1500-2000yen，係有時食日本料理食到悶悶地既1個好選擇~~