DEKO BOKO徐遊日誌

『秋風起...食臘味』，雖然係日本就無得食臘味，但就可以泡個暖笠笠既溫泉~

係我地第1次住呢種「隠れ宿」(隠秘旅館)~~

當初選擇呢間旅館既主要原因，係被客房內既私人溫泉+偌大露台吸引...

住宿1晚 (連早、晚2餐) 要33600yen，比起上次住宿『雪月花』貴差唔多1倍，

但由於我真係好喜歡客房既設施，所以都決定照book~~

平時敢辛苦做野...偶而奢侈1下都不為過嘛...

由於旅館位處頗偏僻，所以旅館會安排車係宮之下車站接送~

到達旅館後，有1位旅館職員帶領我地去客房，詳細介紹房間既每樣設備，

之後再帶我地去4樓用餐既地方，我地感覺有如上賓被招待呢~

間房好舒服呀... 旅館仲預備左香檳+日式甜點+熱茶俾我地享用，

可以坐係梳化一邊眺望遠處既點點燈火，一邊享用香檳，真係好歎呀!!

差唔多夠鐘去食晚飯啦~ 去到餐廳後，之前帶我地去客房既旅館職員馬上為我地安排座位，

再遞上menu俾我地睇下今晚晚餐既內容，晚餐並唔係傳統既日式會席料理，

而係法式x日式既懷石料理，材料選用當時得令既食材，

真係好期待今晚既晚餐呀...

第一道菜送來之前，先為我地準備1杯桃味梳打，再俾我地選擇紅酒/白酒享用佳餚~

第一道菜終於送黎啦~

係以生火腿+比目魚製成既法式酥餅~ 初時仲有d擔心唔知食唔食得慣法式料理，

但品嚐過第一道菜後就知擔心係多餘架啦... 因為真係好好味呀!!!

之後陸續送來既有松茸土瓶蒸、旬菜 (選用當時得令食材而製既菜式) 包括生蠔配魚子醬、

秋鮭壽司配上蓮藕及菊花，可愛小番茄釀八爪魚粒，再之後既有新鮮魚生、

手打蕎麦麵、鯛魚配紅葉南瓜、燒毛蟹及牛柳、大山地鶏煮成既湯、

再加1碗暖笠笠既鮑魚炊飯，每1道菜唔只賣相精緻，全部都好岩我地口味，

能夠品嚐一頓敢豐富既晚餐，真係好滿足呀~~~

雖然食得好飽，但我地最鐘意就係食甜品，之前每1道菜都敢美味，

所以我地對甜品都好有期望~~

當日既甜品係蘋果脆餅配呍呢嗱mousse，原本已經係既大好物，

調理師特意為我地係mousse上畫花，客人開心之餘亦令賣相更吸引，真係好有心思呢~~

完成整個晚餐，差唔多用左3個鐘時間，

我地坐係度食既都覺得累，可想而知serve我地既人一定更累呢...

真係好感謝一直為我地耐心講解既旅館職員同埋煮得敢好食既廚師~~

雖然之前都覺得住宿費頗貴，但能夠享用敢美味既食物+受到上賓式既款待，

我覺得呢個價錢係絕對合理!!!

食飽飽... 都係時候返房泡番個溫泉先~~~

下一篇會再為大家介紹翌日既貴族英式早餐，請繼續留意~~~ (續...)