close
連載左幾個月既4月遊記... 終於黎到最終回啦~
呢間忍者餐廳其實都係搜集資料時無意發現既... 見到餐廳同埋食物都好有特色,所以決定去試試~
地點就係京都既河原町,不過就要穿過小巷先搵到~
我地行到入口,就有位忍者姐姐歡迎我地啦~
跟住佢叫我地係度等一陣,話會安排個忍者帶我地入去...
入到去之後,四周圍都黑漆漆,又多機關又煙霧迷漫,幾經辛苦先去到我地個位...
我又覺得幾好玩哦... 忍者姐姐好專業好認真,行既時候有時佢會叫我地1齊講d暗語開門敢,
令我地都玩得都好投入~
我地被安排係呢個敢有特色既石室享用晚餐~~~
餐牌上面既食物基本上都係配合番忍者主題,賣相好有趣,我地每人叫左個十兵衛套餐~
等左一陣,我地既食物終於黎啦...
下... 呢盤係咩黎架?? 邊d係食得架...??
er... 我諗係d飛鏢呱...
無錯... 呢位同學既答案係正確~
成個套餐除左頭先呢個飛鏢餅乾外型特別,仲有我叫既主菜『狼煙若鳥のステーキ』都好有趣架...
由於整個事發過程黎得太快影唔切相,
就將整個過程畫番出黎同大家分享一下~
圖1: 忍者waitress拎左一個鐵盤,上面放左1隻雞蛋...
圖2: 跟住就見到waitress用個蓋蓋住成個鐵盤... 當時我地2個都唔知發生咩事...
圖3: 忍者姐姐迅速拎開個蓋,跟住1隻燒雞就出現左係我地面前啦...
由於整個過程實在太快,加上我地無心理準備,我地2個都呆左唔識俾反應~
呢d係套餐其他既食物~~~
食到大半既時候,突然有位忍者走入黎,為我地表演魔術,玩既係啤牌魔術,雖然唔算好高難度,
但可以參與玩埋一份,我地都覺得好好玩~
忍者姐姐為我地拎黎甜品,我想影張相留念,佢即刻擺番個招牌pose~~ haha~
整體黎講...絕對係一頓好好玩既料理!!!
文章標籤
全站熱搜
留言列表