DEKO BOKO徐遊日誌

我地終於黎到忍者博物館啦...

d員工全部都著晒忍者服，而其中1位就帶我地入去裡面...

入到去，我地見到日式古代家屋既佈置，等左一陣，大約有7，8個人入左黎之後，

有位貌似芝see菇bi既女忍者就開始為我地一邊講解，一邊示範忍者幾招既招牌招式~~

真係唔係講笑，睇呢位忍者姐姐弱質纖纖，

身手不知幾敏捷，最精采個動作係佢穿個1個小窗跳出屋外，睇到同2個目瞪口呆...

而全程係以日文講解，即使聽唔明，睇佢既表演都值回票價~~ 可惜呢part既時間略短呢...

芝see菇bi表演完結後，我地就落左地下1樓，展示左好多忍者用既武器同佢地常用既秘技、暗語，

由於唔少外國人都對忍者文化好有興趣，所以全部都有英文說明架~

左邊係"水上飄"，而右邊既就係刀槍不入既內衣... 有興趣既話，仲可以親身體驗1下架~

呢d就係忍者用既飛鏢，原來係有敢多種形狀架...

由於忍者係進行秘密任務，所以唔可以輕易俾人發現佢既行蹤，

為左敢樣，佢地既生活習慣都會同平常人唔同，好似食野方面，就唔可以食肉又或者味濃既食物，

沖涼洗衫亦都會比平常人頻密，以免因為身體發出既氣味令敵人發現...

唉... 做忍者真係唔容易~~

呢d係忍者之間互相溝通既秘密文字，而下方個句秘密文字就係"うえのにまたきてね"，

意思就係"歡迎下次再來上野哦 (博物館身處既地方)"，真係好鬼識賣廣告呀，哈哈~

可惜因為大雨既關係，本來有個戶外既忍者表演因而取消，而個博物館地方又唔大，

結果我地搭車來回用左4個鐘，真正睇野既時間都係得1個鐘咋...唉...

雖然係敢... 忍者主題之旅未完結架... 得大人既悉心安排，

我地當日既晚餐係去京都河原町1間好有特色既忍者餐廳，

我覺得氣氛同精彩度比起伊賀忍者博物館好得多多多多!!!!

請繼續留意下回報道...