終於黎到直島啦!!!
等我為大家簡單介紹一下直島先~~
直島位於岡山同香川之間,瀨戶內海既一個小島~ 面積只有8平方公里,島上既居民大約有3500人。
島上主要既施設有3個:
1. 家プロジェクト (House Project)
2. 地中美術館
3. BENESSE HOUSE (hotel)
雖然島既面積唔大,但由於島上交通只有大約1個鐘1班既巴士,所以1定要事先計劃好行程~~
基本上巴士既班次係依照船到達既時間既,所以1落船,要先搭巴士去想去既地方,
唔可以顧住係碼頭附近影相而miss左巴士呀~~
而我地就選擇先前往較近碼頭既House Project~~ (於農協前下車)
House Project,顧名思義,就係活化廢屋計劃,將現代美術既概念融入家屋1個甚有意思既理念~
下車後,先到HONMURA LOUNGE & ARCHIVE,購買入場劵及放低大件行李~
好,出發~~~~~
House Project共有6間,分別為角屋、南寺、きんざ、護王神社、はいしゃ、石橋、碁会所。
而6間都散佈係民屋之間,感覺有d似拎住個地圖尋寶敢~~
不過亦都因為敢,要2個鐘內去勻敢多間會比較趕...
沿途既民居都好有風味,忍唔住停低影相都係去唔晒所有house project既屋既主因呢....
6間 House Project既作品當中,我首推『角屋』!!!
『角屋』係第1号作品,創作者宮島達男先生以時間為概念,設計了『Sea of Time』 (左) 及 『Naoshima.Counter.Window』(右)。
Sea of Time係宮島先生將較早前設計既同名作品設置於家屋既新版本。
一走入『角屋』裡面,就會見到呢個佈滿LED燈既水池,旁邊設置座位,以供欣賞呢件作品。
LED燈由1-9數字組成,轉動時間快慢不一,靜靜凝視數字既微妙變化,
平時肉眼睇唔到既時間頓時變得影像化,
心境亦隨之變得平靜,係1件令人印象難忘既作品~
可惜我地2個大頭蝦,唔知下面有石室,到後來睇書先知道無去到...
呢個係『はいしゃ』,外型奇特。はいしゃ,日文為牙醫,呢間屋既前身係一位牙醫既家,
廢置後經由旅遊作家大竹伸朗先生重新設計。內裡設計獨特,係1個好有趣既作品~~
下面左圖為『石橋』,由於限制人數入內,所以門口大排長龍...
我地要趕搭巴士,所以只好過門不入...
而右圖就係『碁会所』,係指捉棋既地方。由於受到緊密既監視,完全唔可以影相...
比起其他,碁会所比較普通,而且距離巴士站最近,可以留待最後搭巴士前參觀~~
之後,我地繼續搭巴士,前往地中美術館!!!
留言列表