close
好開心好開心哦！！終於都可以同我最喜歡既水玉鯨（鯨鯊）打個招呼。第一次留意到呢種鯨魚係因為佢身上的班點．．．因為我好喜歡水玉柄（即波點），
所以第一眼見倒鯨鯊就愛上了。哈哈哈哈哈。
鯨鯊雖然體積好大，成年既鯨鯊可以比成年人大好多倍。真係成個人都食得落架！不過大家又唔駛驚哦，因為鯨鯊係唔食人的，佢地只食微生物，好乖架。
今次去大阪既海遊館，係我去過日本既幾個水族館之中覺得最舒服既一個。
個魚缸好大，睇得好清楚呢，而且魚缸既玻璃係孤形的，所以唔會反光不特止，感覺會同Ｄ水好接近．．．
雖然我好怕水，但係從小到大我都好喜歡海洋生物，亦好鍾意看海．．．，
因為海洋總係俾人一種好平靜既感覺。可能我前世係一條魚都未定．．．哈哈哈哈哈。
另外魔鬼魚呀，海豚呀等等既海洋生物我都好喜歡呢。
都係多得ＢＯＫＯ大人
既安排。
行完海遊館，當然唔少得既就係買手信啦！！
我咁鍾意水玉鯨，當然要買好多水玉鯨既手信吧！！哈哈哈哈哈。
平時我就唔多買毛公仔既，因為阻地方。不過Ｄ水玉鯨公仔實在太可愛了，
所以
都忍唔住買左！！我仲買多左條魔鬼魚做靠背！！哈哈哈哈〜〜〜
下次希望有機會去世界第二大既沖繩水族館吧。唔知果度既水玉鯨係咪會更大呢？嘻嘻嘻。
文章標籤
全站熱搜
留言列表
DEKO BOKO (6)