close
今次介紹既蛋糕店,係我地2個強力推介~
呢間蛋糕店係一次無意中返屋企途中見到既... 買過1次食之後就成為常客~
趁有時間,今次我地決定係店內堂食~
雪櫃內整齊排放住一件件精緻小巧既蛋糕,
我地每人揀左1款,再叫左杯飲品,之後就坐低等店員端來~
除左我地坐既靠窗既桌子外,店內較入位置仲放左梳化同茶几俾客人堂食之用。
感覺好似置身係屋企敢舒服~~
我地估計呢間店子應該係由1對夫婦開既 (因為我地每1次都係見到佢地2人),
丈夫負責做餅,太太負責收銀,經營著1間小店子,感覺好幸福呢~
好野~ 我地既蛋糕+飲品有啦~~
d餐具都好精緻哦~
師傅整既蛋糕,賣相同味道都一絲不苟,用最新鮮同當時得令既食物作為材料,
雖然價錢貴少少,但真係感受到造蛋糕既人個份用心,我相信一般大型蛋糕店係無法做到既...
有興趣既朋友,可以係池袋搭東武東上線,搭各停列車於第3個站大山站下車,南口出口大約步行3分鐘就到架啦~
文章標籤
全站熱搜
留言列表