close
自從上次去過花火大會之後,我地2個都有d陰影...
但難得係日本生活,都想感受多d佢地既生活文化,所以我地今次去左附近既祭典湊湊熱鬧~
其實我一直都好想著浴衣,但之前既花火大會實在太熱太多人,諗起就怕怕啦...
但因為今次個祭典係屋企附近舉行,所以我終於可以一償心願啦~~
大人,你已經對住塊鏡著左成2個鐘啦... 出得門口未呀...
sorry sorry...行得啦~~ (不過真係好難著呢...)
嘩... 大家圍住一齊跳舞,好開心好熱鬧哦...
仲有好多唔同既攤檔喎~ 我想撈金魚呀...
哈哈... 你應該係想捉金魚先岩... 果然貓性難移~
江戸たてもの園內保留左昭和時期既建築物,擺賣古本同一d懷舊既小玩意同和菓子,好似返左去個年代敢,感覺好有趣呢~~
行左一陣,我地肚仔開始打鼓啦~~ 見到有唔少賣小食既攤檔,
我地買左串燒、炒麵,跟住再食左個雪糕做甜品,行多陣影下相敢,就懷住愉快既心情敢返屋企啦~
文章標籤
全站熱搜
留言列表