dekoboko 發表在 痞客邦 留言(1) 人氣(81)
終於黎到整個旅程既最後1站啦～
我揀左去位於notting hill既Portobello Market～
雖然旅程既頭兩日我地都已經去左2個market ，
之但係今次想去Portobello Market既原因並唔係因為被佢既店鋪或售賣既野而吸引，
而係被Portobello Market附近一帶既七彩小屋而吸引住～
其實係決定想去一趟歐洲旅行時，曾經有諗過去DEKO好喜歡既意大利，
所以之前都有上網做過1d資料搜集，曾經見過有blog友介紹意大利一個小島-彩色島Burano，
島上小屋既外牆全部都塗上七彩繽紛既顏色，再加上藍天白雲，
景色之美，令我留下好深刻既印象！
之後搜集倫敦資料時，無意中發現Portobello Market都有差唔多敢樣既七彩小屋，
所以好想去嗰度影下相～
大概係因為週末下午時份既關係，遊人相當之多，而當中不乏外地遊客，
睇黎Portobello Market應該因為摘星奇緣呢套電影而聲名大噪～
期待既七彩小屋無令我失望，不過可能遊人實在太多，
欠缺意大利彩色島Burano既一份寧靜感。。。
Portobello Market主要售賣既都係帶點舊既東西，我地2個都唔係太感興趣，
所以都係行左1個多小時就離開了。。。
dekoboko 發表在 痞客邦 留言(0) 人氣(35)
最後1日既旅程，好想悠閒地度過～
執拾好行李後，我地先搭地鐵去Aubaine歎個brunch先～
dekoboko 發表在 痞客邦 留言(0) 人氣(249)
一向都好喜歡觀賞天空既顏色變化，
係日本留學時，我習慣左「望天打卦」，
好自然會成日抬頭望天，特別係黃昏既時候，
就算有時心情麻麻，都會因為望到天空敢靚而心情轉好～
係歐洲既8日旅程裡面，
我地好好彩，日日都藍天白雲，
而我地去個陣正好踏入歐洲初夏，天氣清爽，
故此黃昏既天空特別靚！！！
已經黎到行程既最後一晚，雖然大家都有d疲累，
但我都懇求DEKO大人陪我去多次泰晤士河去影 big ben + london eye既夜景～
由於我地食完下午茶之後去左大英博物館同埋番左酒店附近既餐廳食晚餐，
（上回blog唔係話捱麵包架咩。。。？>）
去到既時候已經過左日落時間了，
不過，暮色映照下既big ben + london eye 反而顯得更美〜
暮色，於亞洲地區通常一瞬即逝；
只有在歐洲的夏季，入黑前那段時間維持得較長才較容易留意到。
眼前的天空、景物，真的很美。
手，只有不停的按快門。
臨走前的一晚，超額，完成，滿足。
dekoboko 發表在 痞客邦 留言(0) 人氣(15)
到英國享用1頓豐富既high tea，係我計劃行程時超期待既項目之一！！！
不說不知，high tea 的原意其實並不如我們一般所想的貴氣，
它起源於18世紀時蘇格蘭中下階層於一天辛勞工作後，為補充體力而製作的粗糙點心，
同時由於放在較高身的餐桌上站著吃，因而稱為high tea~
反之，貴族享用的應該稱為afternoon tea～
18世紀時期英國貴族一日只有早晚2餐，而晚餐更在晚上8時後，
由於兩餐相隔甚遠，有一位貴族夫人命她的傭人於下午茶時段端來三文治、糕點等等以作充肌，
慢慢就演變為現時由下層的三文治鹹點、中層的scone、上層的甜點組成的三層瓷碟塔的標準形式了。
其實選邊間餐廳我之前都做左好多功課，心大心細，
最後選定紅茶老鋪 Fortnum & Mason內4樓St. James Restaurant，
除左因為佢歷史悠久，而且更加係皇室御用品牌，有較大既信心保証，
最最最吸引既係佢既餐具，係用我最喜歡既royal blue色系，
使用royal blue餐具下的食物顯得特別精緻美味～
上網搵資料時睇照片已經大大加分，所以最後就鐵定呢度了！
dekoboko 發表在 痞客邦 留言(0) 人氣(37)
白金漢宮既御林軍步操，幾乎係每個遊客去倫敦既指定動作～
原本無抱住特別期望，只係抱住一看無妨既心態，
估唔到比想像中精采有趣呢～
步操禮每日由早上11點30分開始，御林軍們先從白金漢宮旁既queen's gallery 集合，
再浩浩蕩蕩步操至白金漢宮～
望住精神抖擻既御林軍步操時，令我不其然諗起大好物－playmobil 呢，哈哈～
不過要爭取一個有利位置影御林軍既英姿可謂一點都唔容易。。。
遊人之多，幾乎充塞每一個角落，要出動大批警察維持秩序同指揮交通呢～
我地2個就好似採訪大人物既小記者般，人迫人敢先可以影低佢地既英姿～
45分鐘過後，御林軍步操係儀仗隊奏著悠揚管樂聲下結束。。。
一個早上敢樣走黎走去影相，能量都已經耗掉，我地又係時候開餐啦～～～
dekoboko 發表在 痞客邦 留言(2) 人氣(19)
day 6: 巴黎＞倫敦
短短既4日巴黎之旅話敢快就完結。。。
我地乘搭EUROSTAR由巴黎再次返回倫敦～
呢間敢有氣派有如高官既府邸就係我地黎緊2日住宿既酒店了！！！
唔好俾佢外表騙倒而諗住一定價值不菲，相反價錢其實相當合理，
住最平個type雙人房不過係每人1晚 55英磅～
由於酒店呀旅程等等，我都係全權交俾負責，
所以當去到酒店既時候都俾佢既氣派嚇親。。。
每人55英磅就可以入住敢靚既boutique hotel!?
入到裡面，就好似平時睇到外國電影中既大屋敢，有樓梯連貫幾層樓層，
而每一樓層就劃分為好多間房間，
我地係入口旁既reception領過房間keycard，我地既房間位於地底一樓，
雖然房間小小，但俾人感覺舒適整齊，corridor位置仲有1個小小既kitchen area，
再加埋上下格床，真係好似留學時宿舍既格局，令人好懷念哦～～～
dekoboko 發表在 痞客邦 留言(0) 人氣(23)
巴黎既最後一站，我地去左悠閒既SAINT-PAUL買手信～
我地行左一個早上，都只係食左個麵包，去到時肚子已經咚咚作響，
原本只係打算去法國皇室御用品牌mariage freres買點茶葉作為手信，
見到裡面有間好靚既茶室，行到埋去門口時waiter好有禮貌敢遞個餐牌俾我地睇，
由於實在太肚餓，雖然見到價錢都唔平，
但諗住當彌補番之前個晚食左個好難食既熱狗作為晚餐既心理推崇下就入去了。。。
我地其實之前睇menu時已經發現係無英文menu架啦，好彩waiter哥哥好好人，
好耐心地慢慢解釋俾我地聽，於是我地就揀左個價錢最相宜既brunch~ (不過都要29euro...)
初時仲擔心份量唔知會唔會太少唔夠飽，原來都幾豐富ga~
餐前先來一杯冰凍橙汁，再送上烘熱既法式吐司配以新鮮士多啤梨醬及牛油，
另外仲有三文魚青瓜卷、蝦、蛋沙律，最後當然唔少得一杯mariage freres既招牌紅茶～
整個brunch賣相美觀，味道鮮美，再加上茶室悠閒舒適既環境，
計番港紙300幾蚊就可以享受一餐敢滿足既brunch，真係超值呀！！
呢餐brunch為我地今次初遊巴黎旅程留下一個十分美好既完結～
dekoboko 發表在 痞客邦 留言(1) 人氣(35)
蒙馬特山上的聖心堂，是除了艾菲爾鐵塔外今次旅程中我最喜歡的地方。
雖然聖心堂也屬巴黎的熱門旅遊地點，但總覺得觀光味道不及凱旋門、艾菲爾鐵塔那麼重，
除了遊客外，也有不少本地人來逛逛走走～
當日天氣很好，不少人率性地躺在草地上，享受著和暖的陽光～
爬樓梯慢慢走上山上，也不過是15－20分鐘，幸好我們沒有浪費錢在山腳下乘纜車呢～
白色圓頂建築的聖心堂聳立於蒙馬特山頂，顯得格外莊嚴神聖。
而從山上望出去的視野極好，能夠眺望整個像積木埋砌的巴黎全景～
相信在這裡欣賞夜景一定很美了～～～
聖心堂的吸引力除本身的建築及地理位置外，還有就是在前方廣場的街頭藝人表演了！！
在外國，街頭表演可說是相當普遍，不論在街頭又或地鐵站內，
充斥著不少熱愛音樂及藝術的表演者，希望跟途人分享自己喜歡的東西～
我們看到有1位叔叔，用樹琴彈奏了好幾首樂曲，
樹琴的琴聱實在太好聽了，於是我們坐在樓梯繼續細意欣賞～
他又開始奏起另一首新的樂曲。。。
dekoboko 發表在 痞客邦 留言(0) 人氣(24)
今日係我地留係巴黎既最後1日啦～
我地1早就出門，向蒙馬特出發～
原本計劃行程時，我就想第1日去到巴黎就去蒙馬特了，不過聽人講入夜後既蒙馬特治安唔係太好，
所以唯有安排最後1日至去～
我地係Metro 12 既 Abbresses 站落車，由於位處山坡，
所以我地由月台行到上去出口，要團團轉行左幾百級樓梯都咪話唔辛苦～
第1站，我地先去Abbesses廣場內既 Le Mur des Je t'aime 愛的牆壁～
廣場內一面40平方米藍磚牆上，寫上超過300種語言既“我愛你“，
令到原本平平無奇既Abbesses廣場變成羅曼蒂克既朝聖地，
吸引不少遊客、情侶慕名前來～
離開Abbesses廣場後，我地發現1間好靚既紀念品店～
有餐具、擺設、匙扣、相片夾等等有趣紀念品售賣，比起凱旋門、艾菲爾鐵塔既精品店靚得多～
我都忍唔住係度大量入手買左d小禮物送俾朋友哦～
我就好後悔無買嗰個畫左巴黎餐廳插畫既托盤了。。。
boko，時間無多啦。。。我地都係快d去蒙馬特山上既聖心堂吧！！！
dekoboko 發表在 痞客邦 留言(0) 人氣(29)
DEKO BOKO (6)