睇旅遊書介紹凡爾賽宮既時候，話佢既位置屬於巴黎近郊，車程需時，因此計劃行程時都有點猶豫，因為逗留巴黎時間只有3日，不過由於deko大人好想去，
所以決定早點出發彌補車程上花去既時間～
不過原來並不如想像中遙遠，先搭METRO再轉往RER C線，
記緊要認清楚列車前往“Versailles-Rive Gauche"，不用1小時，
於總站Versailles-Rive Gauche下車步行10分鐘就到達凡爾賽宮架啦～～～
：「喵~ 我終於返到屋企了!!噢!點解咁多人排隊架?? 咁人地幾時先入倒去播?!」
：「哈!... 你真係以為自己係大王嗎? 當然要排隊啦!!」
：「唔制!我係貓大王...喵!!」
：「唔好咁啦, 我地都好早到, 排一陣就到我地架喇!! 」
順帶一提，我地之前買左PARIS MUSEUM PASS，可以免去排隊買飛既時間～
MUSEUM PASS適用於大部分著名景點＋美術館，如凡爾賽宮、羅浮宮、巴黎聖母院等，
基本上2日內去3個就已經等同MUSEUM PASS既價值，單係省回買票既排隊時間就已經值得買了
黎到凡爾賽宮, 心裡面真係有莫名既感動,好興奮,好想快d入去睇下...
因為凡爾賽宮裡面有好多好珍貴,好精緻既藝術品,我真係好想親眼睇下。
記得以前讀書時,係書本裡面見過好多好瑰麗既宮殿同雕塑,不過都只係平面的,
好希望長大時有機會自己飛去巴黎睇下真跡。
凡爾賽宮係16,17世紀法國既王宮。係1979年被列為世界文化遺產之一。
外面既大閘外表金碧輝煌,雖然今日天氣唔多好,有幾朶烏雲,但係都無損大閘上耀眼既黃金色...
真係氣派十足架!
排左大半個鐘, 終於入到去裡面勒!!!
嘩~~~~~~~~~~~!!!! 除左"嘩!"同"嘩!痴線架!"之外... 我講唔出第二個字...
：「嘩!!!! 駛唔駛咁大呀?????」
御花園果然氣派非凡，偌大的花園種滿樹木，兩旁整齊豎立著大理石雕像， 路的中間舖上草地，
當視線沿著前方一直望，會看到遠處有個大噴泉，還有一條好像沒有盡頭的小運河...
雖然遊人好多,不過由於花園好大,所以大家都行得好疏落...
我同boko一直行, 一邊欣賞美麗既花園, 一邊傾聽住悠揚既古典樂曲, 真係有如置身係18世紀既皇室之中...
行行下，花園不同地方既噴水池都開始噴水，令整個花園變得好有生氣。
我地行黎行去，四圍影相，黎到花園中既小運河邊。
：「OMG!! 水裡面有好多鯉魚呀!! 仲好大條呀，大過你個頭呀boko!! 好驚呀!!」：「邊有咁誇呀，半個頭姐... 哈哈哈哈。貓唔係應該捉魚的嗎？！」
：「我雖然係貓，但係好怕魚呢.. 」睇完比boko既頭仲要大既鯉魚後，我地要離開御花園了．．．但係回程時，竟然花了將近成個鐘！！！天呀．．．攰死我們了．．．
留言列表
DEKO BOKO (6)