close
幾經轉折,我地終於黎到住宿既旅館啦~
其實原本我地搭Euro Star落車既車站Paris Nord距離我地住宿旅館既地方只有幾站之隔,
可惜搭地鐵時遇上一波三折,首先就係唔識係自動售票機買車飛,
結果要排長龍去票務處買...
建議最好買回數劵 Carnet,1 set 10張,除左比起單買一張便宜之外,
最好既就係唔駛每一次搭地鐵都要買飛,免卻麻煩~
好不容易買到車飛,好衰唔衰我地入錯閘口,去左對面方向月台,
最慘既係無路可以行番去另一方向月台!!!
我地結果要按求救掣等人地放番我地出去再入去另一邊閘~
天呀... 點解巴黎地鐵可以落後成敢架????
原本15分鐘既車程,我地差唔多用多左2倍既時間先到達旅館~
唔知係咪之前聽過睇過太多關於巴黎地鐵又臭又污糟既負面資訊,
其實去到比我想像中無敢差,當然乾淨就絕對稱唔上,
而且車箱都好low tech,大部分都係無冷氣兼要人手開門~
講番旅館先~ 其實之前睇過U magazine介紹呢間旅館時已經好喜歡~
當plan去巴黎時,我首選就係呢間旅館啦!
因為我好早book既關係,有多d discount,我book superior room都係130 euro 1晚,
計番港紙每人都係大約$700 1晚~
去到門口,初時都唔知係旅館,無大大隻既門牌,又睇唔到有reception,
就敢打開門俾人自由進入,睇格局以為係gallery 多過似旅館呢...
後來入到去終於見到有位文質彬彬既reception哥哥,佢帶我地去房間,
一入到去,發現比想像中細得多,只係放得落2張單人床,而且無冷氣亦無雪櫃,
怕熱既朋友都咪話唔辛苦~
不過房間簡潔整齊,而且房間有1個大窗,可以清楚眺望周邊風景~
能夠入住地道既法式旅館,一嘗旅居巴黎既感覺,實屬難得,
熱少少我覺得都可以接受既~
我地settle down晒都已經下午既5點幾啦... 由於我地驚夜晚治安唔好會有危險,
所以我地要爭取時間,去巴黎第1個check point - 凱旋門~~
文章標籤
全站熱搜
留言列表