DEKO BOKO徐遊日誌

 

最新特別報導:

大人近期大活躍中，繼3月中央圖書館參與插畫師協會展覽後，

最近又於石硤尾賽馬會創意藝術中心跟幾位朋友一起舉辦畫展~

以"CONNECT連繫"為題材，5位風格截然不同的藝術愛好者，

以另外4位組員過去其中一幅作品中取得靈感而繪畫自己的作品，

故此每位參展者的作品看似自成一格，但當中其實是互相交流而有著連繫的作品，

是一個既互動而有趣的非一般聯展。

今次參展場地『賽馬會創意藝術中心』地點相當就腳方便，只要跟住以下圖示就好快去到架啦~

a) 先搭地鐵到石硤尾站，依指示牌搵『賽馬會創意藝術中心』出口

b+d) 一出地面，就已經見到周圍都有好清晰既方向指示牌

c+e) 步行唔駛10分鐘就到達啦~

f+g) 一行入去你就會見到L1 gallery，行到接近盡頭時，你會見到L0藝廊指示牌，請沿樓梯落一層

h) 落到去你會見到係出口同停車間，請轉入並通過停車間

i) 見到L0藝廊la~

j) 到達會場!!!

a b c  

d  

e f g  

h i j  

 k) Reception桌上放著『CONNECT連繫』杯墊souvenir

l) 作品旁邊有作者簡介+作品概念介紹及留言簿

m) 點解會有敢多毛毛球 (deko稱呼佢地為魚肉燒賣) 出現既?? 到底同作品有咩關係?

今次參展作品命名『糸』，大家唔好誤會為系統既『系』，

『糸』，廣東讀音『覓』，原為古字，在<說文解字>記載，指細絲，幼細的線。

而日語中『糸』同樣解作線、繩子。線，就是點與點的連繫，把我們從一端連接到另一端。

DEKO用紅色來寫這個『糸』字，其實是喻意紅線，即人與人之間感情上的連繫。

大家欣賞作品既同時，可以留意一下旁邊既指示，因為某部份作品既props係可以觸摸既~

而全部作品則歡迎拍照~

睇到以上畫展介紹又或一直喜歡作品既朋友，一定唔可以錯過哦~

畫展期間為5月7日至20日，請大家多多支持~