close
其實係計劃行程去宮島既時候,我一直睇漏左原來去到宮島口之後再搭船既~
好彩船既班次密,大約15-30分鐘開出一班,而船程大概都係15分鐘~~
呢幅相係船上拍到既嚴島神社~~
霧氣籠罩之下似乎更添莊嚴神秘~
落船後,就已經見到好多小鹿自由自在敢行來行去,同奈良小鹿唔同既地方係...
即使你手上無鹿餅 (餵飼小鹿既指定食物),宮島小鹿都會走近你,
可能係已經習慣同人類生活既緣故吧~
宮島面積唔大,所以就算唔拎地圖都唔會蕩失路,只要循住頭先係船上見到鳥居既方向,
穿過表參道商店街,就會見到五重塔同埋嚴島神社架啦~
表參道商店街,整條街都滿佈食肆同埋手信店,如果係假日一定係擠得水洩不通~
呢個名為『世界一の大杓子』,行表參道商店街時一定會被佢吸引住而駐足拍照~
うわ。。。デカい~ (好大呀真係...)
由於已經係下午3點幾,頻頻僕僕搭左幾轉車黎到宮島都未食午飯,我地即刻前往我好想去既餐廳...
之前計劃去宮島既時候,已經鐵定要去品嚐地道既廣島生蠔料理,
當睇到旅遊書介紹『牡蠣屋』,就決定左1定要去呢間了!!!!
MENU全部都係手繪架~~ 好有心思呀~~~
我叫左個最豐富既牡蠣屋定食,2000yen既套餐包括2隻燒生蠔、3隻炸蠔、蠔蓋飯、1隻醃蠔,
再加多碗蠔湯,好滿足呀~~~
我鯨吞左總共10隻蠔呀~~~
當中以燒蠔最鮮甜好味!!!!!!
雖然我一向唔食蠔既,但係一場黎到宮島,唔試下我覺得會俾人鬧囉...
我叫左個最無蠔味既炸蠔定食~
ご馳走さまでした~~
不得不提既係,宮島係日本國內人氣既旅遊景點,
所以想去牡蠣屋品嚐牡蠣料理的話,最好避開日本既假期 (特別係黃金周,即4月底至5月頭) 同埋賞櫻賞楓既季節~
而最厲害既係佢既booking竟然去到2011年既8月... 可想而知呢間牡蠣專門店幾具人氣~~
想去既朋友不訪先到 official hp預約 (http://www.kaki-ya.jp/reservation.html)
食飽飽,我地朝住嚴島神社既方向進發~~~
文章標籤
全站熱搜
留言列表