close
自從改變左食玩買既旅行模式後,我開始重視旅程中住宿既地方~
試想像一下,出去玩左成日,返到黎係1間好舒服既酒店房間,
淋個浴之後歎番杯熱茶,臨訓前坐係床頭睇下書,感覺就好似返屋企敢舒服~
我認為,只有舒服既環境,先可以消除旅程中既疲憊,
所以選擇酒店係旅程計劃裡面係相當重要既一環!!
今次既台北之旅,我選擇住宿捷運中山站附近既『丹廸旅店』~
之前係網頁見到d相,係我好喜歡既簡約格調,某d房間仲附有1個50年代既舊式露台~
價錢唔貴,地點方便,周邊又有好多特色小店+cafe,完全fulfil晒我既要求,所以決定住呢度。
旅店打從地下以至住宿既3個樓層,放置唔同形式既藝術品,有畫作,有立體展品,
儼如一個小型藝術館,就連每層電梯前既木櫃擺設都悉心設計,別具心思,
遊走其中,已經玩得不亦樂乎。
① Inn Design Market @ lobby
② Seat @ lobby
③ 丹廸旅店外觀
④+⑤:日本插畫師前田麦先生的作品
⑥+⑧+⑩:3F/4F/5F電梯前的擺設
⑦特色房間『ZOO』門口@4F
⑨藝術展品@4F
⑪藝術展品@lobby
BOKO住後感:
今次係我第3次住宿台北既精品酒店,第1次係忠孝新生既喜瑞旅館,第2次係西門町既捷絲旅,
而我最滿意既就係今次住宿既丹廸旅店。
地點方便之餘價錢合理,復古既酒店外型再加上每個角落精心佈置既藝術品/擺設~
處處見驚喜,有別於一般純粹走簡約風格既精品酒店~
唯一稍有不足既地方就係張床較軟,如果張床好似捷絲旅敢舒服就perfect啦!!!
註:因為要努力籌備5月既畫展,今次既台北hea遊未能同行。。。残念。。。
文章標籤
全站熱搜
留言列表