DEKO BOKO徐遊日誌

 

去開東京旅行既朋友仔，相信唔會對吉祥寺呢個地方陌生吧??

吉祥寺連續幾年被日本人選為最理想居住地方NO.1，最吸引既地方係有1個好大好舒服

既可以賞櫻花又可以賞紅葉既『井之頭恩賜公園』

(我地私下稱之為鴨仔公園)

仲有熱鬧既商店街、大型百貨公司如0101，東急等等，

最正既係吉祥寺有好多好多特色cafe+生活雜貨店，應有盡有，

難怪日本人敢喜歡吉祥寺呢個地方啦~~~

今次我地就去左呢間為於大正通 (係東急百貨店後既街道) 既北歐風cafe "MOI"~~

呢間cafe好出名，經常出現係各大雜誌，係我地好喜歡既簡約風，所以1定要去拜訪1下~

店子小小，大約可容納15人，裝潢、傢俱、甚至餐具均有濃厚既北歐風格，

色調柔和溫暖，令人有如置身於家的感覺。

店主希望藉住cafe將芬蘭人享受生活、悠然自得既生活態度傳遞俾每1位到訪既客人~

另外店子既入口位置開闢一角作為postcard店"kortti"，

用意係可以讓旅客可以邊喝咖啡邊寫postcard俾親友，真係好窩心呢!!!

Postcard款式好多呀... 攪到人地心大心小，唔知買邊款好呢...

   

好啦... 講番食物先，店子提供既係簡單輕食，如scone、pound cake、三文治、熱狗等等，

店主透過看似普通無花巧既食物，令客人嘗到最美好既簡單原味。

我地order左1份scone + pound cake，除左嘗到剛烘好既新鮮美味外，

就連配角既strawberry jam同埋cream都一樣美味~~

喜歡四出搜尋特色cafe既朋友仔，千祈唔好錯過呢間位於吉祥寺既"MOI" cafe 哦~~