DEKO BOKO徐遊日誌

 

睇開我地blog既朋友仔，1定知道我地好喜歡找尋特色cafe，
由於今次逗留東京只有短短5日，所以到訪cafe就成為今次旅程既主題之一～

臨出發前，係日本網站見到介紹呢間剛於4月開店，
坐落於隅田川旁邊既riverside cafe -『 Cielo y Rio』，
除左可以望見即將落成既東京新標記 tokyo sky tree外，

最吸引既地方係唔駛同人迫，都可以清楚觀賞到1年1度全日本最大型既隅田川花火大會！

cafe平日係中午營業，只有星期六、日會提早係9點開始營業，
好讓老街坊係隅田川附近早上做完運動散步完去歎番個豐富早餐，真係好貼心～～
我地雖然唔係老街坊，又唔係晨完運，不過係日本歎full breakfast既地方唔多，
所以我地都特意早起前往～

『 Cielo y Rio』店名為西班牙語，Cielo解作天空，Rio則指河流，
正好道出店子以sky tree x 隅田川景致既賣點；
跟一般東京cafe有頗大分別，由於以倉庫改建而成，
樓底足足有4.5米高，所以有極大既空間感，
店主特意遊走英國搜購復古家具小物、布藝等等，令店子充滿濃厚既歐洲風格～
設計師巧妙地將cafe劃分為不同區域，令店內每個角落都各具特色，感覺舒適融和而沒有違和感～
令客人一去再去都仍然保持新鮮感～
而食物質素亦都相當不錯，煙肉＋炒蛋＋熱香餅既豐富早餐，

配上一杯冰凍咖啡，慢慢享用之際，既可以從窗外窺看隅田川景色，
又可以利用店內提供既免費WIFI服務上網～

假日有這樣一個美好的開始，令人心情變得好不輕鬆愉快～