哈哈~~ 如果無寫標題,唔知大家估唔估到呢度係台灣既高雄呢??
呢個敢靚既地方其實係高雄剛於6月開幕既『義大世界』,
係結合遊樂場+outlet購物+酒店住宿既施設,
而遊樂場以希臘愛琴海情境為主題,將希臘特有藍白相間既聖托里尼山城同埋
耳熟能詳既神話故事情景如木馬屠城記展現眼前,亦有緊張刺激既機動遊戲...
之前睇雜誌介紹時已經好想去... 原本已經計劃係行程裡面,
但因為我又好想去台中,所以心大心細... (時間有限,諗住只可以選擇其中1個地方)
正當諗住係左營坐高鐵去台中時,突然之間
改變主意... 拉住我去搭巴士~ (因為去義大世界搭巴士敢岩就係左營高鐵站前面)
不過我諗大家睇過d相後,應該都會覺得我呢個決定係岩既...
當日天氣好好呀... 藍天白雲~~~ 而最好既係雖然個日係星期6,
但遊人唔多,基本上影相既時候方圓數十里都無人,隨意都影到好多靚相~~
雖然天氣好好,但由於實在太熱,影一陣都要入內歇歇~
我地去左玩旋轉木馬,又去左嚇到差d呼吸困難既鬼屋,
(備註:其實鬼屋既驚嚇程度並無BOKO講到敢誇張,只係佢比較細膽唔受得嚇~)
最驚喜係有姆明谷既商店,裡面有好多姆明產品售賣,
而我仲用左買門票時附送既優惠劵,以HK$10買左隻好可愛既史力奇呀~~~
影完相玩完嚇完買完野後,肚仔已經咕咕作響,我地去番希臘聖托里尼山城內餐廳食野~~
估唔到餐廳都好靚哦~~ 桌子椅子都以藍白相間,牆上亦畫左好配合既希臘風景畫,
雖然提供既都係簡單既輕食飲品,但置身其中,已經覺得好舒服relax~
可惜時間有限,唔能夠再hea多陣... 因為我地下1站係... 搭高鐵去台中...
文章標籤
全站熱搜
留言列表