DEKO BOKO徐遊日誌

 

1直以來都係為大家介紹日本既食玩買，

其實除左日本，台灣都係我地好喜歡既地方，節奏較悠閒，有書店，有cafe，

有各大大小小既藝術展覽，放假既時候又可以踩住單車出走郊遊，

係台灣生活... 可以話係我夢寐以求既理想生活模式!!!

上星期我地去左高雄逗留3日2夜，期間去過特色餐廳、雜貨小店、藝術展覽同埋最新遊樂園...

希望同大家分享一下呢~~~

第1日，我地先去左呢間位於高雄市立文化中心附近既小花花雜貨舖~

未入去，就已經見到1隻好可愛既小白兔等緊我地啦~~~~

：「DEKO呀... 你覺得我可愛d定係佢可愛d呀???」

：「下... er...」

店子外既小庭院，放左大大小小既安樂椅、小桌子、搖搖木馬... 雜而不紊，

未入門口就已經吸引我地四處拍照啦~

入到去裡面，店子小小，但貨品琳瑯滿目，有衣服、生活雜貨、文具、小家具等等，

而門口附近仲有1個可以進餐既小cafe，提供飲品同簡單輕食，真係好喜歡呢種小店子~~

最好既係店內係任人拍照，唔駛好似平時敢鬼鬼祟崇...

店主好好人，佢主動同我地講可以隨便影相，跟住我同佢講話我係網站見到有人介紹呢間店舖，

覺得好有特色所以特意黎既... 店主好開心，同我講話呢間舖係由佢+佢太太+佢姨仔3人1齊開既...

店內有1個開放式既工作室...而大家就各自做番自己既特長，呢種工作方式真係令人好羨慕哦~

技癢，忍唔住係雜貨舖既留言冊上畫公仔~~

真係1間好有特色既小店子!!! 如果第時可以開1間敢樣形式既小店子就好了~~~

可惜我地2隻餵食貓太肚餓... 未影相就食晒啦...

不過真係好好味架... 大家有機會去高雄1定要去呢間小花花雜貨舖呀!!