DEKO BOKO徐遊日誌

話敢快又到賞紅葉既季節，上年我地介紹過國營昭和記念公園，

今次我地為大家介紹另一觀賞熱點 - 高尾山~~

去高尾山賞紅葉係要登山架... 所以一定要有足夠體力+自備簡單小食先好出發哦~

前往高尾山，從新宿搭京王線至尾站高尾山，大約需要1小時，

去到山腳可以搭吊車直達半山，不過大家有心理準備，係紅葉旺季搭吊車會大排長龍，

就連我地平日去都一樣敢多人，結果我地唯有從山腳開始，朝住山頂方向出發!!!

唔知係好耐無行山定係條山路都幾斜，行到半山已經好累，

好彩可以坐低食DEKO大人預先準備好既便當補充一下體力咋~

休息一陣後，我地就繼續行，其間途經寺院、小食店、手信店等等，一邊行下睇下影下相，

唔駛好耐就去到山頂啦~~~

咦... 又話好靚既...點解紅葉已經疏疏落落，地上仲有好多落葉tim...

後來上網睇番，先知道其實最靚既時間係大約20號前後，我地去遲左1星期，

再加上前幾日落左場大雨，結果我地就睇唔到傳說中好靚既紅葉啦...

不過DEKO大人係敢既情況下都影到唔少靚相呀... 厲害厲害!!!

 

 

(設計對白) 天狗大人: 邊個將個銀仔放係我"個度"呀!?

 

其實我1直都想問... 點解成日係寺廟見到既石佛會戴上紅色既帽同埋口水肩???

其實你見到既係稱為"地藏"既神，傳說係專門保佑嬰孩，

所以人們就將嬰孩既打扮: 帽+口水肩放係"地藏"石像上，用上紅色則有驅除妖邪既作用。

去高尾山賞紅葉既朋友仔，記住唔好好似我地敢，1定要check清楚觀賞最佳時期先好出發呀~