DEKO BOKO徐遊日誌

嘩... 1早起身... 終於見到藍天白雲啦... 連續幾日天氣都陰沉沉敢...

總算係無浪費房間內呢個敢好既觀景台~

係露台欣賞左陣景色，招待我地既服務生哥哥敲門為我地送黎早餐~~

早餐可以選擇係餐廳內享用，又或者送黎房間享用...

房間既景觀敢靚，所以我地前1晚就已經講話我地想選擇係房間享用，

同時講好時間，服務生哥哥就準時去到我地既房間幫我地set餐枱、餐具、放好食物等等，

見佢來來回回十幾次... 都有少少唔好意思呢...

好啦... 終於可以開動了~~

不過唔知係咪我大食定係d野唔係好岩我食...我覺得早餐比起昨晚既晚餐頗為遜色，

雖然見到好似滿枱都係食物... 但係我麻麻地習慣食沙律+乳酪+水果做早餐...

較飽肚既只有半份雞蛋三文治，而咖啡質素亦係麻麻...

食完唔係太滿足呢...

 

好在有眼前美景搭夠早餐既不足...

 

 旅館既check out時間係12點，所以食完早餐仲有時間係房間內泡多次溫泉~~~

(幅相係我浸住溫泉影，呢個就係浸溫泉望出去既景觀~ 我仲差d唔小心將部相機跌落溫泉度呀...)

 

好啦... 差唔多時間要走啦...

除左早餐外，基本上今次住既呢間旅館所有東西都令我地好滿意~~~

希望下次再有機會為大家介紹更多好既溫泉旅館~~

INFORMATION:

箱根 時の雫 (http://www.tokinoshizuku.net/)

神奈川県足柄下郡箱根町宮ノ下416  (TEL: 0460824343)

住宿費: ￥33600 (連晚餐及早餐)

前往方法: 於箱根湯本站乘登山電車到宮之下站下車，再打電話到旅館安排接送巴士

網上預約: 可於www.jalan.net內預約