DEKO BOKO徐遊日誌

離開直島後，我地搭船到宇野港，再搭急行巴士返去岡山，之後再搭列車出發往尾道~

今次去尾道主要原因有2個，

1個係想買尾道帆布袋，另1個就係想到佈滿櫻花樹既千光寺悠閒散步~

連接JR尾道站有1條長長既商店街，沿住一直行，就可以搵到呢2間尾道帆布店架啦~

自從前年係京都既一澤帆布買過第1個帆布袋後，就愛上佢低調樸實既風格~

除左無人不識既一澤帆布，其實日本國內仲有好多地方出產帆布袋，而尾道就係其中之一~

款式唔只多選擇，而且價錢比一澤帆布相宜得多~

嘩... 敢多款式... 都唔知買邊個好...

呢間係另1間帆布袋店『工房 尾道帆布』，成間店舖都無店員，

當你想買野俾錢就拉開個玻璃門請造緊袋既嬸嬸收錢~

我地係2間店舖都有收獲呢~

  

行左一輪，肚仔又餓啦...

睇旅遊書介紹尾道拉麵好出名，所以就去試下... 點知...

拉麵... 始終都係北海道既最好食!!!

跟住我地就搭吊車上山去千光寺，其實腳骨力好既朋友可以選擇行上去...

而我地就計劃搭吊車上山，之後再行番落山~

上到山後，我地發覺天色開始暗...

唔係呀嘛... 朝早明明都係藍天白雲架喎...

千光寺公園內有尾道市立美術館，大家覺唔覺得同直島既美術館有d相似呢??

因為都係安藤忠雄先生既作品~~

 

行左一陣，我地就黎到尾道既地標 - 千光寺~~

如果天氣好的話，從千光寺眺望既景色應該會更靚~

由於天氣唔好，我地都無咩心機周圍行影相，於是我地就沿住梯級落山~

雖然已經過左櫻花盛放，但見到沿路櫻花散落地上既風景，都忍唔住停低欣賞拍照~

 

落左山後，我地2個都好累，於是想搵間cafe歇歇，

亂打亂撞下搵到呢間之前睇台灣旅遊作家milly介紹既特色cafe『山貓 やまねこ』~

當然要試下佢既山貓latte~~ 好彩係我相機無電之前都影到~~

由於第2日我地會返去京都，所以我地都早d返岡山休息~

預告:

第5日既旅程，我地將會去京都，參加1個月1次既知恩寺手作市集，

而大人更會親作和服體驗，有興趣既朋友，請密切留意~~~