DEKO BOKO徐遊日誌

 

第2日，我地1大早就搭新幹線，朝住今次旅程既重點 ... 『中国地方』出發~~

大家千祈唔好誤會，以為我地點解無端端去中国???

其實日本兵庫県(即神戶位處既県)以西既5個県，

其實2個區域我都好想去，不過由於時間有限，加上我地今次行程會去直島既關係，

去山陽地區會比較順路，所以今次就以位處山陽地區既岡山、倉敷、廣島、尾道作為行程重點。

我地首先係岡山車站附近既酒店放好行李後，就搭山陽本線前往倉敷~

可惜天氣唔好，雨愈落愈大，再加上星期一好多店舖都係定休，感覺好冷清呢~

 

其實今次去倉敷既主要目的，係大人想去五十嵐由美子 (即小甜甜既作者) 既MUSEUM，

不過個museum細得可憐，又無咩特別野睇，真係有d失望...

行左唔夠半個鐘我地就離開小甜甜MUSEUM，朝住倉敷美觀地區進發~

倉敷美観地区係指倉敷川旁既國家重要傳統建築物群保存區，

於江戶時代曾經係運送物資既重要樞紐而十分繁榮。

而當時既建築物如貨倉、商店等，得以好好保存下來，

令到幾百年後既我地有幸欣賞當時古色古香既風貌~~~

我覺得倉敷川既景色，比起小樽運河實在係有過之而無不及呢~

最可惜都係天氣唔好，如果係藍天白雲下，影出黎既相1定都似postcard敢靚呢~

係有d可惜既... 反正今次都唔夠時間慢慢行，下次我地有機會再黎啦~

   

由於我地要趕搭新幹線去廣島~ 所以我地要返去車站啦...

再見啦... 倉敷~~ 下次有機會我地1定會再黎架~~ 

次：広島．宮島。。。