DEKO BOKO徐遊日誌

 

之前一直只聞樓梯響既日本工作簽証，已經落實明年會開始，

個人黎講我覺得以留學簽証既身份去日本作生活體驗會較好，雖然拎工作簽証話就話唔需要日文都可以，                                                                                                                          但係基本上日本人既英語水平唔高，如果你完全唔識日文，基本上生活方面都會有1定既困難，                                                                                                                                         更何況係搵工呢... 特別係東京，請得最多part time既都係服務行業，所以唔識日文的話，基本上搵到工既機會係好微...                                                                                                    反而拎留學簽証的話，既有學生乘車優惠，再加上每日返學，日文都會進步得較快，到左3個月之後，                                                                                                                              就可以申請『資格外活動許可書』，到時就可以搵part time架啦~

PART TIME，日文稱為アルバイト(a-ru-ba-i-to) (簡稱バイト)，通常最多留學生會選擇做便利店(コンビニ)既店員，                                                                                                         最主要原因係便利店既數目多不勝數，再加上24小時營業，所以會較喜歡請好肯捱既留學生~ 時薪大約係7xx-8xx yen不等~

除此之外，其實都可以試試大型既連鎖店如無印良品、UNIQLO、LOFT、TOKYU HANDS等等，                                                                                                                                      工作範疇比起便利店更多元化，而且人工亦都會更高，有大約9xx-1000yen~

不得不提，日本打工仲會俾埋交通費俾你架~

雖然一邊讀書一邊返工都幾辛苦，但呢個真係一個好難得既經驗，辛苦d都係值得既~~