介紹左敢耐北海道,終於返黎介紹東京啦... 今次介紹既地方叫做江之島~~
係新宿搭小田急線,大約1個鐘就到架啦~~
江之島最熱鬧既時間就係夏天,係東京人游水曬太陽既熱門地方~
之但係我地今次去江之島既目的唔係游水,而係......
(繼續睇就知架啦~)
我地一去到就去左江之島水族館,不過就無橫濱八景島敢大敢靚,有d失望呢...
不過好彩都影到唔少靚相~~
:「離開水族館,我地就朝住江之島展望塔進發~~ 係大熱天時下行左半個鐘,
點知原來個展望塔係山上面,行樓梯上去既話都咪話唔辛苦...
另外可以選擇搭登山既扶手電梯,會舒服好多,但就要俾350yen,
要俾$$搭扶手電梯都真係第一次呢... 我地當然唔會虐待自己啦... 哈哈~」
:「呢度就係展望台望出去既風景啦~~ 感覺好舒服呢~~」
:「行左大半日,又熱又累,我地當然要搵個地方歇下啦...
而呢間餐廳就係我地今次黎江之島既目的啦~~ 我地就係俾呢間餐廳既景觀吸引而黎架啦~~
你睇下靚到... 敢樣望住個海食野,真係正到無法形容~~」
:「不過可惜天氣實在太熱啦... 我地係出面坐左一陣就要坐番入黎食野了...」
:「你睇下個雪糕一拎到黎就已經溶就知道天氣係幾敢熱啦... meow~」
怕熱既朋友建議都係天氣涼番少少先去江之島會好d~~
文章標籤
全站熱搜
留言列表