DEKO BOKO徐遊日誌

   

到英國享用1頓豐富既high tea，係我計劃行程時超期待既項目之一！！！

不說不知，high tea 的原意其實並不如我們一般所想的貴氣，
它起源於18世紀時蘇格蘭中下階層於一天辛勞工作後，為補充體力而製作的粗糙點心，
同時由於放在較高身的餐桌上站著吃，因而稱為high tea~
反之，貴族享用的應該稱為afternoon tea～
18世紀時期英國貴族一日只有早晚2餐，而晚餐更在晚上8時後，
由於兩餐相隔甚遠，有一位貴族夫人命她的傭人於下午茶時段端來三文治、糕點等等以作充肌，
慢慢就演變為現時由下層的三文治鹹點、中層的scone、上層的甜點組成的三層瓷碟塔的標準形式了。

其實選邊間餐廳我之前都做左好多功課，心大心細，
最後選定紅茶老鋪 Fortnum & Mason內4樓St. James Restaurant，
除左因為佢歷史悠久，而且更加係皇室御用品牌，有較大既信心保証，
最最最吸引既係佢既餐具，係用我最喜歡既royal blue色系，
使用royal blue餐具下的食物顯得特別精緻美味～
上網搵資料時睇照片已經大大加分，所以最後就鐵定呢度了！

 

我1早已經於網上訂了2：45pm，因為我諗住要慢慢hea番幾個鐘，
所以特意book早d，好快我地就被安排入座～
打開餐牌，我地每人點選左1個可另選1個dish既afternoon tea set，
揀左龍蝦沙律，就揀左蟹肉焗批，
2樣都好好味呀！！！ 估唔到份量都幾大，
再加上先前飲左個好香濃既青豆湯＋2件小鹹點，我食完都有d 半飽啦。。。
茶方面我地點左最大路既english breakfast tea，紅茶老鋪果然名不虛傳，
同平時係香港飲到既真係好唔同哦～

主角終於到場啦。。。除左下層既scone + 餅乾外，
上層既蛋糕原來係由服務生端來一大架餐車任我地選擇架～～～
我地隨意揀左幾款，唔知係咪已經食到大半飽定係甜點過甜既關係，
雖然已經慢慢敢一邊食一邊傾計一邊聽鋼琴家既現場演奏，
但食到一半真係不得不投降了。。。

雖然係英國享用一頓下午茶都真係不便宜 （2個人差不多用左港幣＄1000 ），
但係能夠同好友好好享受一個愜意既下午，我覺得都係值得既！！！
p.s. 最多今晚捱麵包啦。。。