因為實在好喜歡鎌倉呢個地方~~
除左有好多特色景點外,沿住相模灣一帶有唔少餐廳、cafe,價錢合理,
(唔會因為對住個無敵大海景就開天殺價,抵讚!!!)
可以一邊享用美食,一邊欣賞眼前美景,感覺悠閒自得~
所以不厭其煩再為大家介紹呢個好地方!!!
由於鎌倉範圍頗大,再加埋附近既江之島、江之電沿海一帶,葉山、逗子等等,
去1-2次係絕對去唔晒~
而今次我地既目的就係長谷寺~~~
我地係鎌倉搭江之電,第3個站『長谷站』落車,步行5分鐘就到啦~
沿途有唔少特色雜貨小店,而當中最特別既係『鎌倉音樂盒堂』 ,
為北海道小樽著名既地標『小樽音樂盒堂』既分店,
(有興趣既朋友可以睇番我地之前介紹有關『小樽音樂盒堂』既blog: http://hk.myblog.yahoo.com/deko.boko/article?mid=1958)
未去過小樽既朋友就可以係呢度製作1個獨一無二既音樂盒~~
長谷寺屬賞花名所,除左4月櫻花同11月紅葉外,6月既時候仲會有唔同品種既繡球花~
好多日本人都會揀呢個時候去長谷寺觀賞~
你睇下日本既貓咪幾悠閒,真係好令人羨慕呀~~~
由於長谷寺位處海邊附近,係觀音寺對開既位置係觀景台,可以清楚俯瞰相模灣一帶~~
睇到敢靚既景色,真係覺得好舒服呢~
去長谷寺除左賞花同賞靚景外,仲有1定要買長谷寺既"お守り" - 外型可愛既士多啤梨幸運符!!
到底點解會用士多啤梨呢??
日本人取其同音「じゅうぶんな(一)ご (五)縁がありますように」,意思係希望得到滿滿既幸福,
雖然好似有少少勉強,不過敢可愛既外型都好難忍到唔入手!!!
下1站,我地會再搭江之電去七里ヶ浜 weekend house alley 邊歎cake邊睇日落美景,
請繼續留意...
留言列表