DEKO BOKO徐遊日誌

 

第2日，我地決定搭平溪小火車，來一趙即日來回小旅行~

今次終於有機會一嚐搭平溪小火車+放天燈啦~

有個小貼士俾大家，事前一定要check清楚火車班次，因為個幾鐘先有一班，

再加上要搭台鐵到瑞芳先可以搭到平溪小火車，而2者之間既時間又未必夾到，

所以1定要check清楚時間以免要白等哦~

坐左差不多2個鐘，終於黎到總站菁桐啦...

有隻餵食貓一落車就掛住搵野食醫肚，見到呢檔賣雞捲好似唔錯，就即刻買黎試下啦...

點知連平時幾乎咩都食既餵食貓都頂唔順...

其實我見到左圖個位個頭好lump既叔叔就敢用手搓材料就有少少覺得唔開胃...

 

 

 

平日既菁桐唔算太多人，反而見到有幾對新人係度影結婚相...

 

由於火車班次好疏，唔少人都走落路軌影相~

 

之後我地再搭火車前往十分~~~

十分比菁桐熱鬧得多，絕大部分人黎都係為左放天燈...

路軌旁邊就係民居同埋商舖，而路軌上輪流有人放天燈，相當熱鬧~

 

 

我地貪心d，揀晒4種色，其實最主要都係想影相時顏色繽紛d靚d~

呢2個願望，相信應該係好多人既心聲~

 

 

天燈+放爆竹都不過係200台幣，但寫願望同放上去時真係好好玩呢~

如果有機會係天燈節黎既話，見到成個天空都係放上去既天燈，場面一定好靚好感動呢~